/

Ndoortel GAINDESAT-1A : Njiitu Réew mi jàpp na ne xët wu yees la wu tijjiku ci Senegaal

xamle - 13 MONTHS.SEPTEMBER 2024
Kilifa gi, Njiitu Réew mi, Basiiru Jomaay Fay, jiite na tay xewu bis bi ñu jagleel màggal taxawalug GAINDESAT-1A gi dugg ci mboor, di satelitu Senegaal bi njëkk. Sottal gii nag njureefu liggéey yu am solo yu sunu xereñtaan yi ak way-xarala yi nga xam ne, ci seen liggéey bii, day tijji xët wu yees ci suqalikug xarala ñeel Senegaal.
GAINDESAT-1A li ko tax a jóg mooy dajale ay xibaar ci wàllu kéew mi ak joxe ay peeñ yu bawoo ci satelit bi war a jàpp ci suqali pàcc yu bari yu mel ni mbay mi, kéew mi, kaaraange gi ak séddaleg mbeeraay gi.
Bis bii day màndargaal ndoortel ëllëg gu yaakaaru ñeel sunu réew ci wàllu jaww ji. Xàll nañu yoon ngir Senegaal gu moom boppam, yees te wëlbati mbooleem ay yitteem ci ëllëg.